Sant'Andrija - Ħal-Luqa - Kartolina

Iċċelebra l-festa ta' Ħal-Luqa b'kartolina oriġinali u l-ġmiel tagħha mingħand 4kelmiet!

Il-patrun tar-raħal - Sant'Andrija - jieħu postu fin-nofs tal-wiċċ tal-kartolina. Hu mdawwar bl-elementi kollha li jsawru l-festa tradizzjonali: il-mużika, id-dekorazzjonijiet tal-knisja, il-qubbajt, il-murtali...Il-fergħa tal-palma hija simbolu tal-martirju glorjuż tieghu, kif inhu s-salib forma ta' X li fuqu ta ħajtu għall-fidi tiegħu. Il-ħut jirrapreżenta x-xogħol ta' sajjied li kien jagħmel, u jfakkarna fis-sejħa tiegħu biex ikun "sajjied tal-bnedmin".

Jekk tixtieq:

• tistieden lil xi ħadd speċjali għall-ikla annwali tal-festa
• twassal ftit mill-festa lil qrabatek imsifrin, jew
• sempliċiment tnissel tbissima fuq wiċċ xi ħbieb tiegħek involuti fil-festa

din il-biċċa arti ċkejkna żgur ħa ġġib il-ferħ tal-festa Maltija fid-djar ta' min jirċeviha.

Din il-kartolina hija vojta minn ġewwa u pprintjata fuq karta Fedrigoni ta' 330gsm. Tintbagħat lill-indirizz provdut flimkien ma' envelop b'xejn, u tieħu madwar ġimgħa u nofs biex tasal. Dan huwa prodott ta' kwalità għolja.